Рига ҳуқуқ олий мактаби вакиллари билан учрашув

Жорий йилнинг 06 март куни Бош прокуратура Академиясида Рига ҳуқуқ олий мактабининг ректори в.б. Я.Икстенс ҳамда Рига ҳуқуқ мактаби директори И.Рацена билан учрашув бўлиб ўтди.

Учрашув давомида таълим жараёнига замонавий инновацион технологияларни жорий қилиш, ходимларнинг ўзаро тажриба алмашиш механизмларини ривожлантириш, ўқув жараёни сифатини бошқариш масалалари муҳокама қилинди.

Учрашув натижаларига кўра тарафлар ҳамкорликда ўқув модулларини, коррупцияга қарши кураш борасидаги лойиҳаларни ишлаб чиқиш ва амалга ошириш, халқаро грант дастурларида иштирок этиш ҳамда илмий ходимларнинг стажировкасини ташкил этиш бўйича келишувга эришдилар.