JICA ташкилотининг Ўзбекистондаги вакиллари билан учрашув

Жорий йилнинг 4 апрель куни Бош прокуратура Академиясида Академия раҳбариятининг Япония Халқаро Ҳамкорлик Агентлигининг Ўзбекистондаги вакили О.Шун ҳамда JICA дастурлари координатори Ф.Курбанов билан учрашуви бўлиб ўтди.

Учрашув давомида JICA грант дастурларида иштирок этиш, магистратура учун ўқув модуллари ишлаб чиқиш, ходимлар орасида ўзаро тажриба алмашиш механизмларини кенгайтириш ҳамда Академия фаолиятига япониялик экспертларни жалб қилиш борасида ҳамкорлик истиқболлари муҳокама қилинди.