Ички ишлар органларининг профилактика инспекторлари ва терговчиларининг билими, касбий тайёргарлиги ва масъулиятини оширишга доир ўқув курслари

Бош прокуратура ва Ички ишлар вазирлиги раҳбарияти томонидан 2019 йил 11 февралда тасдиқланган “Йўл харита”лари ижросини таъминлаш мақсадида, Бош прокуратура Академияси томонидан ИИВ Академияси ҳамда ИИВнинг малака ошириш институти ходимлари билан ҳамкорликда ички ишлар органларининг профилактика инспекторлари ва терговчилари учун жиноятчиликка қарши курашиш, шунингдек безорилик, фирибгарлик ҳамда ўзганинг мол-мулкини яширин равишда талон-торож қилиш жиноятларини олдини олиш ва жиноятларни жиловлаш тадбирларни ўтказиш тартиби борасидаги касбий билим ва малакаларини оширишга доир ўқув курслари ташкил этилди.

Ўқув курслар Дастурига мувофиқ, ички ишлар органларининг профилактика инспекторлари ва терговчиларига шахсни профилактик ҳисобга олиш асослари ва тартиби, ҳуқуқни муҳофаза қилувчи органлар ва бошқа идоралар билан ўзаро ҳамкорлиги, маъмурий ҳудуддаги криминоген вазиятни ўрганиш ва таҳлил қилиш аҳволи, безорилик, фирибгарлик ва ўзганинг мол-мулкини яширин равишда талон-торож қилиш жиноятларининг олдини олиш борасидаги фаолияти, мазкур жиноятлар бўйича дастлабки тергов ҳаракатларини олиб боришнинг ўзига хос хусусиятлари, якка тартибдаги ва виктимологик профилактик тадбирларни амалга ошириш, суд-экспертизаларини тайинлаш турлари ҳамда уларни ўтказиш тартиби мавзуларида назарий билим ва амалий кўникмаларини оширишга доир машғулотлар ўтказилди.