Ўзбекистон Республикаси
Ҳуқуқни муҳофаза қилиш академияси
29 апрель куни Бош прокуратура Академиясининг Ҳуқуқий муаммоларни илмий-амалий ва инновацион тадқиқ қилиш ҳамда илмий ходимларни тайёрлаш маркази томонидан “Олий таълим муассасаларида илм-фанни ривожлантириш” мавзусига бағишланган давра суҳбати ташкил этилди.
Давра суҳбатида Бош прокуратура Академиясининг профессор-ўқитувчилари, докторантлари, мустақил изланувчилари ва фаолияти илмий тадқиқот билан алоқадор ходимлар қатнашди. Давра суҳбатида Олий ва ўрта махсус таълим вазирлиги бошқарма бошлиғи т.ф.д., профессор Б.М.Исмоилов маъруза қилди.
Маърузачи томонидан олий таълим тизимида илмни ривожлантириш йўлида яратилган имкониятлар, шунингдек илмий тадқиқот ишларини амалга оширишдаги айрим муаммолар ва уларнинг ечимлари бўйича батафсил маълумот берилди.
