БМТнинг Коррупцияга қарши Конвенцияси имплементациясини кўриб чиқиш механизми бўйича тренингда иштирок этилди

БМТнинг Гиёҳванд моддалар ва жиноятчилик бўйича бошқармаси таклифига асосан Бош прокуратура Академияси вакиллари Москва шаҳрида жорий йилнинг 14-16 май кунлари бўлиб ўтган БМТнинг Коррупцияга қарши Конвенцияси имплементациясини кўриб чиқиш механизми бўйича тайёрлов семинарида иштирок этишди.

Семинарнинг асосий мақсади БМТнинг Коррупцияга қарши Конвенцияси имплементациясини кўриб чиқиш Механизми доирасида ишлаш учун иштирокчиларни компетенцияларга ўргатиш ва ривожлантириш ҳисобланади.

Семинарда 2020 йилда БМТнинг Коррупцияга қарши Конвенцияси қоидалари ижроси иккинчи доирада кўриб чиқиладиган Африка қитъаси, Марказий Осиё, Жанубий-Шарқий Европа, Марказий ва Жанубий Америка давлатлари вакиллари иштирок этишди.

Семинар давомида кузатувдан ўтказилган давлатлар бўйича ҳисобот, маъруза ва раҳбарий кўрсатмаларнинг умумий назорат рўйхати, келгусида ўтказиладиган кузатувлар механизми сифатида фойдаланилиш учун тақдим этилди.

Шу билан бирга, ўзини баҳолаш, таҳлилий ўрганиш, тўғри мулоқотлар ўтказиш ҳамда давлатлар бўйича умумлашмалар тўғрисида ҳисобот тақдимотини ўтказиш юзасидан амалий машғулотлар ўтказилди.

Семинар якунида иштирокчилар умумлаштириш механизми юзасидан ижобий амалий тажрибалар билан алмашишди.