Халқаро коррупцияга қарши курашиш академияси билан ҳамкорлик

Коррупцияга қарши курашиш соҳасидаги мутахассисларни тайёрлаш бўйича халқаро таълим ташкилотлари билан ҳамкорликни йўлга қўйиш мақсадида 2019 йилнинг 23 май куни Ўзбекистон Республикаси Бош прокуратураси Академияси раҳбарияти Лаксенбургдаги (Австрия) Халқаро коррупцияга қарши курашиш академиясига ташриф буюрди.

Учрашув давомида Академия раҳбарияти коррупцияга қарши курашиш борасида мутахассис ва амалиётчиларни тайёрлаш ва таълими соҳасидаги глобал муассаса ҳисобланувчи Халқаро коррупцияга қарши курашиш академияси фаолияти билан таништирилди.

Учрашув доирасида Халқаро коррупцияга қарши курашиш академиясида ҳуқуқни муҳофаза қилувчи органлар ходимларини тайёрлаш ва малакасини ошириш ҳамда Бош прокуратура Академияси билан таълим соҳасида ҳамкорликни ўрнатиш масалалари муҳокама қилинди.