Беларусь Республикаси Бош прокуратураси вакиллари иштирокидаги давра суҳбати

Жорий йилнинг 28 май куни Бош прокуратура Академиясида “Гиёҳвандлик воситалари, психотроп моддалар, уларнинг прекурсорлари ва аналогларини ноқонуний айланиши, шу жумладан, Интернет тармоғи орқали содир этилган жиноятларни тергов қилиш устидан прокурор назорати” мавзусида давра суҳбати ўтказди.

Давра суҳбатида Ўзбекистон Республикаси Бош прокурорининг ўринбосари Эркин Юлдашев, Беларусь Республикаси Бош прокурори ўринбосари Алексей Стук, Беларусь Республикаси Гомел вилояти прокурори Виктор Морозов, Беларусь Республикаси Витебск вилояти прокурори ўринбосари Георгий Коренко, Беларусь Республикаси Бош прокуратураси ташкилий-назорат бошқармаси прокурори Евгения Кондратенок, шунингдек, Бош прокуратура ва Ўзбекистон Республикаси Бош прокуратураси Академияси ходимлари иштирок этдилар.

Тадбирда гиёҳвандлик воситалари, психотроп моддалар, уларнинг прекурсорлари ва аналогларини ноқонуний айланмасига оид жиноят ишларини тергов қилиш, тезкор-қидирув фаолияти, жиноят ишларини судда кўришда прокурор ваколатларини таъминлаш устидан прокурор назоратини таъминлашнинг долзарб масалалари ёритилди.

Учрашув қатнашчилари ҳуқуқни муҳофаза қилувчи органларнинг юқорида таъкидланган йўналишдаги жиноятларни аниқлаш, тергов қилиш, уларни олдини олиш борасида халқаро ҳамда идоралараро ҳамкорлигини мустаҳкамлаш, шу жумладан, қўшма тезкор-тергов гуруҳларини тузиш муҳимлигини таъкидладилар.

Тадбир билимларни, профессионал тажрибани ва илғор амалий тажрибани алмашиш учун қулай платформага айланди.