ДБҚ Божхона институтининг курсант ва ўқитувчиларига Коррупцияга қарши курашиш бўйича ўқув тренинги

Бош прокуратура Академиясининг устувор йўналишларидан бири ҳуқуқни муҳофаза қилиш органлари ходимлари малакасини ошириш ҳамда идоралар ходимларини коррупцияга қарши кураш соҳасида ҳалқаро рейтингларни баҳолаш методикаси билан таништиришдан иборатдир.

Шу муносабат билан, Бош прокуратура ва Давлат божхона қўмитаси рахбарияти томонидан тасдиқланган Давлат божхона қўмитасининг Божхона институти курсантлари орасида Коррупциявий ҳуқуқбузарликларни олдини олиш дастури доирасида 2019 йил 25 май куни Бош прокуратура Академиясида “Халқаро ва миллий коррупцияга қарши кураш стандартлари” мавзусида ўқув тренинги ўтказилди.

Тренинг давомида Академиянинг Коррупцияга қарши курашиш илмий-таълим маркази ходимлари ҳамда Божхона институтининг ўқитувчилари томонидан тадбир иштирокчиларига коррупцияга қарши курашда халқаро стандартлар
ва энг яхши амалиёт талаблари тўғрисида, Transparency Internationalнинг Коррупцияни  қабул қилиш индекси услубиётининг асосий қоидалари, божхона органларининг фаолиятида манфаатлар тўқнашувини олдини олиш ва ҳал қилиш бўйича амалий чора-тадбирлар тўғрисида маълумот бердилар.