БМТнинг Коррупцияга қарши конвенцияси ижросини таъминлаш механизмида иштирок

Бош прокуратура Академиясининг бир гуруҳ ходимлари хукумат экспертлари сифатида БМТнинг Коррупцияга қарши конвенцияси иштирокчи давлатлари томонидан конвенция ижросини таъминлаш механизмида иштирок этмоқдалар.

Жорий йилнинг май ойида Ироқ Республикаси экспертлари ва БМТнинг НЖҚКБ Котибияти билан ҳамкорликда, давлатга ташриф буюрган ҳолда, Мьянма томонидан БМТнинг Коррупцияга қарши курашиш конвенциясида назарда тутилган коррупцияни олдини олиш ва активларни қайтариш бўйича амалга оширилган чораларнинг ҳолати баҳоланди.

Экспертлар томонидан Конвенцияни ижро этиш бўйича 2013 йилда “Коррупцияга қарши курашиш тўғрисида”ги Қонуни қабул қилинганлиги ва Коррупцияга қарши курашиш бўйича Мьянма комиссияси тузилганлигини ўз ичига олган қонунчилик ва институционал чоралар кўрилиши нуқтаи назаридан ўсиш мавжудлиги айтиб ўтилди.

Ўрганиш механизмининг нуқтаи назаридан ва кўриб чиқиш жараёнининг самарадорлигини таъминлаш муҳимлигини ҳисобга олган ҳолда, муҳокамалар конструктив ҳамкорлик, мулоқот ва ўзаро ишонч рухида ўтказилди.

Экспертлар томонидан мамлакатларни ўрганишни ўтказиш бўйича қўлланмага мувофиқ БМТнинг Коррупцияга қарши конвенциясини амалга ошириш бўйича эришилган ютуқларни, муваффақиятли амалиётлар ва қийинчиликларни ҳамда шарҳларни аниқлайдиган ахборот тайёрланади.