ЮНИСЕФ эксперти иштирокида вояга етмаганлар ўртасида ҳуқуқбузарликлар профилактикаси тизимини кучайтириш масалалари муҳокама қилинди

Жорий йилнинг 29 май куни Бош прокуратура Академиясида ЮНИСЕФ эксперти Светлана Рижикова иштирокида “Ўзбекистонда вояга етмаганлар ўртасида ҳуқуқбузарликлар ва назоратсизликнинг олдини олиш тизимини кучайтириш масалалари” мавзусида давра суҳбати ташкил этилди.

Тадбирда Бош прокуратура, Ички ишлар вазирлиги, ИИВ Академияси, Ўзбекистон Республикаси Миллий гвардияси Ҳарбий-техник институти ва Бош прокуратура Академияси вакиллари иштирок этдилар.

Давра суҳбати давомида вояга етмаганлар ўртасида ҳуқуқбузарликлар ва назоратсизликнинг олдини олиш тизимини ислоҳ қилиш, профилактиканинг барча босқичларида фаолиятни ташкил этиш сифати, превентив дастурлар ва янги турдаги хизматларни ривожлантириш зарурати, мониторинг ҳамда вояга етмаганларни қайта интеграциялаш жараёнининг самарадорлигини ошириш масалалари муҳокама қилинди.

Муҳокамалар натижасига кўра иштирокчилар томонидан вояга етмаганлар ўртасида ҳуқуқбузарликлар профилактикаси олдини олиш тизимида ислоҳотларни сифатли ва тизимли равишда амалга оширишга қаратилган тавсиялар ишлаб чиқилди.