Академия Кенгашининг навбатдаги мажлиси

2019 йилнинг 31 май куни Ўзбекистон Республикаси Бош прокуратураси Академияси Кенгашининг навбатдаги мажлиси бўлиб ўтди.

Мажлис давомида Бош прокуратура Академияси профессор-ўқитувчилари таркибининг жорий йил беш ой давомидаги илмий фаолияти мониторинги натижалари кўриб чиқилди. Академия ходимлари томонидан тизимли асосда илмий-тадқиқот ишлари амалга оширилаётганлиги, илмий мақолалар, монографиялар, рисолалар чоп этиб борилаётганлиги, диссертация ва монографияларга тақризлар тайёрланаётганлиги, Академия илмий салоҳиятининг эса юксалиши кузатилаётганлиги таъкидланди.

Академиянинг асосий вазифаларидан бири ўқитишнинг амалий хусусиятига ва прокуратура органларининг касбий фаолияти билан узвий боғлиқликка таянган ҳолда магистратура мутахассисликлари бўйича кадрлар тайёрлаш ҳисобланади. 2019/2020 ўқув йилидан бошлаб магистрларни тайёрлаш бошланиши муносабати билан Академия Кенгашида Бош прокуратура Академиясининг магистратурасига қабул қилиш тартиби тўғрисидаги низом лойиҳаси муҳокама қилинди.

Бундан ташқари, Кенгаш аъзолари томонидан прокуратура органлари ходимлари ва Академия профессор-ўқитувчилари томонидан нашрга тайёрланган ўқув-услубий ва амалий қўлланмалар кўриб чиқилди.

Шунингдек, кун тартибидаги бошқа масалалар юзасидан тегишли қарорлар қабул қилинди.