Ҳудудларда жамоатчилик хавфсизлигини таъминлаш фаолияти

Ўзбекистон Республикаси Бош прокуратураси Академияси томонидан ҳуқуқбузарликлар профилактикаси ва жиноятчиликка қарши курашиш соҳасида илмий-амалий ва тизимли таҳлилий ишлар олиб борилмоқда.

2019 йил 29 май куни Академиянинг доимий фаолият олиб борувчи ҳудудий штаби иши доирасида Қорақалпоғистон Республикаси Ички ишлар вазирлигида ўқув-семинари ўтказилди.

Семинарда Қорақалпоғистон Республикаси прокуратураси ва Ички ишлар вазирлиги ходимлари иштирок этишди (ҳуқуқбузарликлар профилактикасига масъул 200 га яқин ходим).

Алоҳида эътибор жиноятчиликни барвақт олдини олиш ва ҳуқуқбузарликлар профилактикаси, бу борада мавжуд куч ва воситалардан самарали фойдаланишга қаратилди.

Тадбир давомида соҳадаги фаолият натижаларини янада яхшилаш, бунга жамоат ташкилотлари, айниқса Ёшлар Иттифоқи, Хотин-қизлар қўмитаси, Оила маркази ва бошқа жамоат ташкилотлари, оммавий ахборот воситалари вакилларини кенгроқ жалб этиш бўйича тавсиялар берилди.

Семинар жараёнида келиб тушган саволларга батафсил тушунтиришлар берилди.