Қонун ижодкорлигида таҳлилий ҳужжатларнинг аҳамияти

10 июнь куни Бош прокуратура Академиясининг Ҳуқуқий муаммоларни илмий-амалий ва инновацион тадқиқ қилиш ҳамда илмий ходимларни тайёрлаш маркази томонидан “Таҳлилий маълумотномалар тайёрлаш кўникмаларини шакллантириш” мавзусига бағишланган давра суҳбати ташкил этилди.

Давра суҳбатида Бош прокуратура Академиясининг профессор-ўқитувчилари, докторантлари, мустақил изланувчилари ва фаолияти илмий тадқиқот билан алоқадор ходимлар қатнашди.

Тадбир давомида қонун ижодкорлиги жараёнида таҳлилий фаолиятни амалга оширишнинг долзарб масалалари, шунингдек қонунчилик техникаси муаммолари ва уларни ҳал этиш йўллари ҳар томонлама кўриб чиқилди.