Ахборот хавфсизлиги асослари бўйича халқаро экспертлар иштирокидаги тренинг

Жорий йил 11 июнь куни Бош прокуратура Академиясида “Ахборот хавфсизлигини таъминлашнинг асослари” мавзусида тренинг ўтказилди.

Тренингда Россия ва Қозоғистоннинг тегишли сертификатга эга экспертлари, Бош прокуратура, Миллий гвардия ва Академия ходимлари иштирок этдилар.

Тадбир давомида ахборот хавсизлигини таъминлаш, ахборотни муҳофаза қилишнинг ташкилий, техник-муҳандислик, аппарат-дастурий методларини қўллаш масалалари атрофлича муҳокама қилинди, шунингдек ахборот тизимларига таҳдидлар эҳтимоли таҳлил қилиниб, уларнинг ташқи ва ички таҳдидлардан заифлик даражаси баҳоланди.

Тренинг дастури назарий курс ва амалий лаборатория ишларидан иборат.

Иштирокчилар замонавий ахборот муҳофазаси воситаларини қўллаш методларини ўзлаштириб олишди. Тренинг якунида иштирокчиларга сертификатлар топширилди.