Прокуратура органларини малакали кадрлар билан таъминлаш – давр талаби

Магистр кадрларини тайёрлаш бўйича Академиянинг фаолияти прокуратура органларини замонавий ва малакали ходимлар билан таъминлаш учун истиқболли таълим муҳитини яратиш намунасидир.

Шу муносабат билан 2019/2020 ўқув йили магистратура битирувчилари Академия Кенгаши томонидан прокуратура органларига хизматга қабул қилиш учун тавсия этилди.

Номзодларнинг шахсий фазилатлари, уларнинг фаолияти, билими ва салоҳияти ҳамда уларнинг илмий ишларида кўтарилган масалаларнинг долзарблиги тўғрисидаги маълумотлар Бош прокурорнинг ўринбосари Э.Т.Юлдашев раислигида ўтказилган танлов комиссиясининг навбатдаги йиғилишида кўриб чиқилди.

Танлов натижалари бўйича Бош прокуратуранинг танлов комиссияси томонидан Академия магистратурасини тугатган бир гуруҳ номзодларни прокуратура органларига хизматга қабул қилиш ҳақида қарор қабул қилинди.

Шунингдек, “Коррупцияга қарши курашиш” мутахассислигини битирган бир қатор номзодлар Коррупцияга қарши курашиш Агентлигига ловозимларга тавсия этилди.

Академия жамоаси магистратура битирувчиларини муборакбод этиб, уларга касбий фаолиятларида янги ютуқларни тилаб қолади.