Виктимлаштириш қўшма лойиҳаси доирасида навбатдаги ишчи учрашув бўлиб ўтди

“Фарғона водийсида ёшлар ижтимоий уйғунлик учун” лойиҳаси доирасида Бош прокуратура Академияси, БМТнинг Гиёҳванд моддалар ва жиноятчилик бўйича бошқармасининг Минтақавий ваколатхонаси вакиллари, шунингдек, халқаро ва хорижий экспертлар иштирокида видеоконференцалоқа воситасида учрашув бўлиб ўтди.

Тилбург университетининг виктимология бўйича мутахассиси профессор Ян Вай Дек ва эксперт Джон Ван Кестеринглар иштирокида бўлиб ўтган учрашувда, улар томонидан аҳоли ўртасида сўров ўтказиш учун ишлаб чиқилган материаллар муҳокама қилинди. Миллий экспертлар томонидан мамлакатимизнинг ўзига хос хусусиятларини ҳисобга олган ҳолда ушбу саволларни қайта ишлаб чиқиш ва тўлдириш бўйича қатор таклифлар илгари сурилди.

Лойиҳа йўлга қўйилган вақтдан ҳозиргача эришилган жорий натижалар муҳокама қилинди, шунингдек, лойиҳани кенгайтириш ва республиканинг бошқа ҳудудларида ҳам жорий этиш масаласи кўриб чиқилди.