Мажбурий ижро бюросининг туман (шаҳар) бўлим давлат ижрочиларининг навбатдаги малака ошириш курси бошланди

Бош прокуратура Академиясида Бош прокуратура ҳузуридаги Мажбурий ижро бюросининг давлат ижрочиларини тизимли равишда малакасиини ошириш курслари ўтказилиб, машғулотлар таълимнинг (blended learning) аралаш шаклида яъни, «3+1» тизимида ўқишнинг (75%) ишдан ажралмаган ҳолда масофавий таълим орқали (25%) Академияда ўтказиладиган машғулотларда бевосита иштирок этиш орқали ташкил этиб келинмоқда.  

2020 йилнинг 17 февралидан Академияда ташкил этилган машғулотларда Бюронинг туман (шаҳар) бўлим давлат ижрочилари иштирокидаги навбатдаги “Ижро иши юритиш соҳасидаги қонун ҳужжатларини амалиётга тўғри татбиқ этилишини таъминлаш масалалари” мавзусидаги малака ошириш курси бошланди.

Ўқув курси дастури тингловчиларнинг реал эҳтиёжларидан келиб чиққан ҳолда ишлаб чиқилиб, ижрога келиб тушган барча турдаги ижро ҳужжатларини ижро этиш билан боғлиқ тегишли компетенцияларни, процессуал ҳужжатларни тайёрлаш, хизматдаги конфликтларни бартараф этиш, шунингдек суд ҳужжатлари ва бошқа органлар ҳужжатларини ижро этиш ҳамда давлат ижрочисининг бошқа фаолият йўналишларида маъмурий ҳуқуқбузарликларни кўриб чиқишга доир профессионал кўникмаларни мустаҳкамлашга қаратилган.

Академияда ташкил этилган машғулотлар доирасида интерактив, муаммоли вазиятлар ўқув методларни ҳамда ахборот-коммуникацион технологиялар ва замонавий педагогик технологияларни қўллаган ҳолда маъруза ва амалий машғулотларни ўтказиш назарда тутилган.      

Тингловчиларнинг кичик гуруҳларда ишлаши орқали давлат ижрочиларнинг иш фаолиятида тизимли равишда юзага келаётган муаммоларни таҳлил қилиш ва умумлаштириш ҳамда уларни бартараф қилиш юзасидан ривожланган хорижий мамлакатлар ва ижобий иш тажрибаларини инобатга олган ҳолда таклифлар ишлаб чиқиши курснинг амалий аҳамиятини оширмоқда.

Ўқув курси якуни бўйича синов имтиҳонлари ўтказиш ва тингловчиларга сертификатлар топшириш кўзда тутилган.