Илм-маърифат ва рақамли иқтисодиётни ривожлантириш йилида инновацион ривожланиш вазирлиги билан ҳамкорлик доирасидаги тадбирлар

2020 йил 21 февраль куни Бош прокуратура Академиясида инновацион ривожланиш вазирлиги бошқарма бошлиғи Ш.Отажоновнинг магистратура тингловчилари, докторантлар ва мустақил изланувчилар билан учрашуви бўлиб ўтди.

Учрашув давомида Ўзбекистон Республикасининг илмий-инновацион салоҳиятини мустаҳкамлаш ва ривожлантириш, мамлакатимизда олиб борилаётган тадқиқотлар сифати ва самарадорлигини ошириш, шунингдек, мамлакатни ижтимоий-иқтисодий ривожлантиришда илм-фаннинг ролини кучайтиришга қаратилган кенг кўламли ислоҳотлар муҳокама қилинди.

Семинар иштирокчиларига ёш олимлар учун танловнинг бошланаётганлиги, хорижий мамлакатларда иш ўрганишнинг ташкил этилаётганлиги ва вазирлик томонидан эълон қилинаётган лойиҳаларда иштирок этишга оид бошқа масалалар ҳақида батафсил маълумот бериб ўтилди.

Учрашув конструктив руҳда ўтди, иштирокчилар ўзларини қизиқтирган саволларга тўлиқ жавоб олишди.