Академия докторант ва мустақил изланувчилари учун навбатдаги синовлар

2020 йилнинг 20 февраль куни Бош прокуратура Академиясида докторант ва мустақил изланувчилар билан “Суд ҳокимияти. Прокурор назорати. Ҳуқуқни муҳофаза қилиш фаолиятини ташкил этиш. Адвокатура” ва “Коррупция муаммолари (юридик фанлар)” ихтисосликлари бўйича малакавий имтиҳон ўтказилди.

Имтиҳон мамлакатимизнинг кўзга кўринган ҳуқуқшунос олимлари ва мутахассислардан иборат таркибда тузилган комиссия томонидан олиб борилди.

Имтиҳонда докторант ва мустақил изланувчиларга мамлакатимизда суд-ҳуқуқ соҳасида амалга оширилаётган ислоҳотлар, ихтисослик бўйича мавжуд илмий тадқиқотлар ва улардаги замонавий йўналишлар, ихтисослик бўйича тадқиқ этилаётган мавзу доирасида мавжуд илмий муаммолар ва уларнинг ечими юзасидан саволлар берилди.

Малакавий имтиҳонларни муваффақиятли топширган докторант ва мустақил изланувчиларга гувоҳнома берилди.