Ҳудудларни комплекс ижтимоий-иқтисодий ривожлантириш бўйича секторларининг масъул котиблари учун малака ошириш курслари ташкил қилинди

2019 йил 10 июнда Бош прокуратура Академиясида Тошкент шаҳридаги прокуратура ҳудудий органлари раҳбарлари бошчилик қиладиган комплекс ижтимоий-иқтисодий ривожлантириш бўйича секторларининг масъул котиблари учун мазкур секторлар ишини тизимли ва самарали ташкил этишга йўналтирилган уч кунлик малака ошириш курслари ташкил қилинди.

Ўқув курслари машғулотларини ўтказишга Академия профессор-ўқитувчилари билан бир қаторда Бош прокуратура бошқармалари, Иқтисодиёт вазирлиги, Инвестициялар ва ташқи савдо вазирлиги, Ички ишлар вазирлиги, Бандлик ва меҳнат муносабатлари вазирлиги, Тошкент шаҳар Халқ қабулхонаси ҳамда “Маҳалла” жамоат фонди раҳбарлари ва тажрибали ходимлари жалб қилинган.

Малака ошириш курси давомида ҳудудларни комплекс ижтимоий-иқтисодий ривожлантириш бўйича секторлар ишини ташкил қилиш, алоҳида тармоқлар ва ҳудудларни макроиқтисодий ривожлантиришнинг долзарб масалалари, инвестицияларни жалб этиш орқали мамлакат иқтисодий салоҳиятини юксалтириш, Халқ қабулхоналари фаолиятида аҳоли мурожаатлари ва уларда кўтарилган муаммоларни мониторинг қилиш, меҳнат бозорининг жорий ва истиқболдаги эҳтиёжларини инобатга олган ҳолда иш ўринларини ташкил этиш масалалари бўйича машғулотлар назарда тутилган.

Ўқув машғулотлари интерактив шаклда ўтказилди, тингловчилар ўз фаолиятлари билан боғлиқ долзарб масала ва муаммоларни муҳокама қилиб, уларнинг ечимига оид тажриба алмашишди.