Академияда нофилологик олий таълим муассасалари инглиз тили ўқитувчиларининг ўзаро тажриба алмашиш гуруҳининг (UzTESPING) навбатдаги семинар-тренинги бўлиб ўтди

Жорий йилнинг 11 июнь куни Бош прокуратура Академиясида Ўзбекистон давлат жаҳон тиллари университети ҳузуридаги Чет тилларни ўқитишнинг инновацион методикаларини ривожлантириш Республика илмий-амалий маркази (РИАИМ) билан ҳамкорликда марказ қошида фаолият олиб бораётган нофилологик олий таълим муассасалари инглиз тили ўқитувчиларининг ўзаро тажриба алмашиш гуруҳининг (UzTESPING) навбатдаги семинар-тренинги бўлиб ўтди.

Тренингда олий таълим муассасаларининг 30 нафардан зиёд инглиз тили ўқитувчилари иштирок этдилар.

Тренинг давомида Вестминистер халқаро университети эксперти М.Арфа, UzTESPING координатори К.Тангирова, Ўзбекистон давлат жаҳон тиллари университети ўқитувчиси Р.Болтаева хорижий тилларни ўқитишнинг самарали методикаларига оид тақдимотлар қилдилар.

Иштирокчилар Бош прокуратура Академиясида чет тилини ўқитиш борасида олиб борилаётган ишлар, илғор тажрибалар ва қўлланилаётган замонавий методикалар, шунингдек тил ўргатиш кафедраси фаолияти билан танишдилар.

Тренинг натижаларига кўра хорижлик экспертлар томонидан прокуратура органлари ходимларини юридик инглиз тилини ўқитиш бўйича таклиф ва тавсиялар ишлаб чиқилди.