Қорақалпоғистон Республикаси ва Хоразм вилоятида ҳуқуқни муҳофаза қилувчи органларнинг жамоат хавфсизлигини таъминлаш фаолияти ўрганиб чиқилди

Академия раҳбарияти ва ходимлари томонидан Қорақалпоғистон Республикаси ва Хоразм вилоятида ички ишлар ва прокуратура органларининг ҳуқуқбузарликлар профилактикаси, жиноятчиликка қарши кураш ва жамоат хавфсизлигини таъминлаш фаолияти самарадорлиги масалалари жойларга чиқиш орқали ўрганиш ўтказилди.

Ушбу жойларга чиқиш орқали ўтказилган учрашувлар давомида ҳудудий прокуратура ва ички ишлар бошқармалари билан бирга ҳар бир туманнинг криминологик ҳолатини инобатга олган ҳолда содир этиладиган ҳуқуқбузарликлар ва жиноятларнинг ўзига хос хусусиятлари, шунингдек уларнинг содир этилишининг асосий сабаблари таҳлил қилинди.

Бундан ташқари, ҳуқуқбузарликларнинг барвақт олдини олиш, ҳамда жамоат хавфсизлигини таъминлаш самарадорлигини ошириш бўйича янги методика ва ўзига хос тажриба яратиш мақсадида, жиноятчилик содир этилиши сабабларини тизимли таҳлил қилувчи эксперт-таҳлил гуруҳларининг фаолиятига жиноятчиликни маҳаллалар кесимида таҳлил қилишга асосланган янгича тартиб жорий этилди.

Шунигдек, тадқиқот тариқасида эксперт-таҳлил гуруҳларнинг фаолиятига, ҳар бир содир этилган жиноятни муҳокама қилиб, сабаб ва шарт-шароитларини аниқлаш ва уларни бартараф этиш бўйича комплекс чораларини ишлаб чиқиш тартиби ҳамда профилактика инспекторларининг фаолиятига баҳо бериш ва ишлаб чиқилган тегишли тавсияларини кўриб чиқиш учун ички ишлар органларининг комиссияларига юбориш орқали жамоат назоратини амалга ошириш тартиби ўрнатилди.

Шу билан бирга, эксперт-таҳлил гуруҳларнинг тадбирлар дастурига жамоат хавфсизлигини таъминлаш самарадорлигини ошириш ҳамда жиноятчиликнинг барвақт олдини олиш бўйича манзилли таклифларни ишлаб чиқиш ва уларни киритиш юзасидан алоҳида таъкидланди.