Мустақил изланувчиликка талабгорлар билан ўтказилган суҳбат натижалари ҳақида

2020 йилнинг 3 март куни 12.00.08 – Жиноят ҳуқуқи, ҳуқуқбузарликларнинг олдини олиш. Криминология. Жиноят-ижроия ҳуқуқи ҳамда 12.00.12 – Коррупция муаммолари (юридик фанлар) ихтисослиги бўйича мустақил изланувчиликка (PhD) қабул қилиш бўйича навбатдаги танловнинг якуний босқичи – талабгорлар билан суҳбат ўтказилди.

Унда Бош прокуратура Академияси, ТДЮУ ва Юристлар малакасини ошириш марказининг етакчи олимлари, хусусан, юридик фанлар докторлари Б.Х.Пўлатов, Ф.Х.Рахимов, А.А.Отажонов, М.М.Мамасиддиқов, У.А.Тухташева ҳамда юридик фанлар бўйича фалсафа доктори Х.А.Каримовлар иштирок этдилар.

Суҳбатда комиссия аъзолари томонидан суд-ҳуқуқ соҳасида мамлакатимизда амалга оширилаётган ислоҳотларнинг мазмун-моҳияти, талабгорларнинг илмий изланишларни амалга ошириш бўйича кўникмалари, тадқиқот мавзуларининг долзарблиги ва аҳамияти ҳақида саволлар берилди.

Мустақил изланувчиликка (PhD) қабул қилиш юзасидан навбатдаги танлов якуни бўйича тегишли қарор қабул қилинди.