«Мўътабар аёл» кўкрак нишони билан тақдирлаш

Халқаро хотин-қизлар куни арафасида Бош прокуратура Академияси кафедра мудири М.З.Раджапова бир гуруҳ ташаббускор ва фаол аёллар қаторида Ўзбекистон Республикаси Президентининг 2018 йил 2 февралдаги “Хотин-қизларни қўллаб-қувватлаш ва оила институтини мустаҳкамлаш соҳасидаги фаолиятни тубдан такомиллаштириш чора-тадбирлари тўғрисида”ги Фармони билан таъсис этилган «Мўътабар аёл» кўкрак нишони билан тақдирланди.

М.З.Раджапова узоқ йиллар прокуратура органлари тизимида хизмат қилиб келган, шунингдек бугунги кунда қонунийлик ва ҳуқуқ-тартиботни таъминлаш борасида прокуратура органлари ходимларини тайёрлаш, қайта тайёрлаш ва малакасини ошириш тизимини мустаҳкамлашга ўзининг муносиб ҳиссасини қўшиб келмоқда.

Академия жамоаси Муҳтарам Зиядуллаевнани чин юракдан юксак мукофот билан муборакбод этади ва мустаҳкам соғлиқ, меҳнат фаолиятида янги зафарлар ва улкан ютуқлар тилайди.