Жиноий даромадларни легализациясига қарши курашиш бўйича Гонконг Ассоциацияси мутахассислари билан ҳамкорлик истиқболлари муҳокама қилинди

Жорий йилнинг 1 июль куни Академияда жиноий даромадларни легализациясига қарши курашиш бўйича Гонконг Ассоциацияси мутахассислари аъзоси, “Буюк келажак” ХННТ эксперт кенгаши аъзоси А.Рахматуллаев билан учрашув бўлиб ўтди.

Жиноий даромадларни легализациясига қарши курашиш бўйича Гонконг Ассоциацияси мутахассислари легализация ва терроризмни молиялаштиришга қарши курашиш, молиявий жиноятларни аниқлаш ва уларнинг олдини олиш соҳасида мутахассисларнинг билим, кўникма ва тажрибаларини кенгайтириш бўйича энг йирик халқаро ташкилот ҳисобланади. Ассоциация аъзолари кенг доирадаги молиявий муассасалар, саноат тармоқлари ҳамда ҳуқуқни муҳофаза қилувчи органлар вакилларидан иборат.

Учрашувда Академиянинг Гонгконг ассоциацияси билан қисқа муддатли таълим курсларини ташкил этиш, легализация ва терроризмни молиялаштиришга қарши курашиш бўйича практикум ишлаб чиқиш, Академия фаолиятига экспертларни жалб қилиш, қўшма тадқиқотлар олиб бориш бўйича ҳамкорлик масалалари муҳокама қилинди.

Учрашув конструктив ва амалий руҳда ўтди.