Жаҳон иқтисодиёти ва дипломатия университети талабалари иштирокида давра суҳбати ўтказилди

Жорий йилнинг 1 июль куни Ўзбекистон Республикаси Бош прокуратураси Академиясида Жаҳон иқтисодиёти ва дипломатия университети талабалари иштирокида “Коррупцияга қарши курашиш борасида миллий ва халқаро тажриба” мавзусида давра суҳбати ўтказилди.

Давра суҳбати давомида коррупцияга қарши курашишнинг ҳуқуқий ва институционал асослари, халқаро ҳуқуқ стандартлари, халқаро конвенциялар, мазкур соҳадаги илғор хорижий тажриба ҳамда самарали амалиёт масалалари кўриб чиқилди.

Тадбир иштирокчилари Академияда фаолият юритаётган Коррупцияга қарши курашиш илмий-таълим маркази фаолияти ҳамда мазкур йўналишда йўлга қўйилган халқаро ҳамкорлик натижалари билан яқиндан танишдилар.

Академия магистратураси негизида республикада илк маротаба коррупцияга қарши курашиш соҳасида мутахассислар тайёрлаш бошланганлиги тадбир иштирокчиларида алоҳида қизиқиш уйғотиб, бу ўз навбатида мазкур йўналишда фаолият юритувчи кадрлар салоҳиятини юксалтиришга ҳамда коррупцияга қарши курашиш самарадорлигини оширишга хизмат қилиши таъкидланди.