Коррупцияга қарши курашиш соҳасидаги жиноий қонунчиликни такомиллаштиришнинг асосий йўналишлари

Академияда Иқтисодий ҳамкорлик ва тараққиёт ташкилотининг (ИҲТТ) Коррупцияга қарши курашиш тармоғи экспертлари ва жиноий қонунчиликни такомиллаштириш бўйича ишчи гуруҳ аъзолари иштирокида вебинар бўлиб ўтди.

Тадбирда ИҲТТнинг Шарқий Европа ва Марказий Осиё давлатлари учун Коррупцияга қарши курашиш тармоғининг Истанбул харакатлар режаси мониторингининг 4-раунди якунлари юзасидан Ўзбекистонга берилган тавсиялари кўриб чиқилди.

Вебинарда юридик шахсларга нисбатан ҳуқуқий таъсир чораларини қўллаш, жиноий йўл билан топилган мулкни мусодара қилиш, коррупциявий қилмишлар учун жиноий жавобгарлик белгилаш ҳамда “мансабдор шахс” атамаси мазмунига оид масалалар муҳокама қилинди.

Вебинар иштирокчилари томонидан амалдаги қонунчилик нормаларини такомиллаштириш ҳамда хорижий давлатларнинг ижобий тажрибасини инобатга олган ҳолда БМТнинг Коррупцияга қарши конвенцияси нормаларини имплементация қилиш бўйича таклифлар берилди.