Жаҳон иқтисодиёти ва дипломатия университети талабалари билан учрашув ўтказилди

2019 йил 4 июль куни Жаҳон иқтисодиёти ва дипломатия университетида Ҳамкорлик тўғрисидаги Меморандум доирасида Бош прокуратуранинг Академияси ва Кадрлар бошқармаси ходимлари томонидан университет талабалари билан учрашув ўтказилди.

Учрашувда университет масъул ходимлари, бакалавр босқичи битирувчилари ва талабалари иштирок этди.

Тадбирда талабаларга прокуратура органларига хизматга қабул қилиш тартиби, Бош прокуратура Академияси фаолияти, жорий ўқув йилидан бошлаб магистратурага қабул бошланганлиги ва унда ўқишнинг ўзига хос афзалликлари ҳақида батафсил маълумот берилди.

Талабалар, айниқса, Академия магистратурасида 3 та мутахассислик бўйича ўқитиш тизимининг жорий қилинганлиги, назария ва амалиётнинг уйғунлиги, хорижий давлатларнинг нуфузли олий таълим муассасалари экспертларининг таълим жараёнига жалб қилиниши ҳамда талабаларнинг хорижда амалиёт ўташ имкони мавжудлигига қизиқиш билдирдилар.

Учрашув давомида келиб тушган саволларга батафсил жавоблар берилди.