Тараққиёт соҳасидаги ҳамкорлик учрашуви

Бош прокуратура Академияси вакиллари жорий йилнинг 5 июль куни барқарор тараққиёт мақсадларида БМТнинг ҳамкорлик бўйича доиравий дастури муҳокамаси юзасидан бўлиб ўтган учрашувда иштирок этишди.

Тадбирда БМТнинг мамлакатлар гуруҳ вакиллари, Олий Мажлис, вазирлик ва идоралар, фуқаролик жамияти, халқаро ташкилотлар ва хорижий давлатлар элчихоналари вакиллари иштирок этишди.

Учрашув давомида иштирокчиларга БМТ томонидан амалга оширилаётган жорий ислоҳотлар, БМТнинг 2016-2020 йилларда ривожлантириш мақсадида ёрдам бериш бўйича доиравий дастурини (UNDAF) амалга оширишдаги ютуқлар, 2030 йилгача бўлган даврда барқарор тараққиёт соҳасидаги миллий мақсад ва вазифалар имплементациясини ташкил этиш фаолияти тўғрисида маълумотлар берилди ҳамда барқарор ривожлантириш мақсадларига биргаликда эришиш бўйича келгусидаги йўналишлар ҳақида ўзаро фикр ва таклифлар алмашилди.