Кибержиноятчиликка қарши курашда педагогик салоҳиятни мустаҳкамлаш

Бош прокуратура Академияси томонидан Тошкент давлат юридик университети билан ҳамкорликда БМТнинг Наркотик ва жиноятчиликка қарши курашиш бўйича бошқармаси кўмагида “Одил судлов йўлида таълим” ташаббуси доирасида “Европа, Ғарбий ва Марказий Осиё университетларида кибержиноятчиликка қарши курашда педагогик салоҳиятни мустаҳкамлаш” мавзусида семинар ташкил этилди.

Семинарда Арманистон, Грузия, Корея Республикаси, Россия, Тожикистон, Украина, Ўзбекистон, Қирғизистон ва Қозоғистон вакиллари иштирок этди.

Тадбирда жиноятчилик, шу жумладан кибержиноятчиликнинг олдини олишда таълим ва ҳуқуқий маданиятни юксалтириш, ўқув модулларининг сифати ва самарадорлигини ошириш, ўқув дастурларини ишлаб чиқиш ҳамда педагог кадрларнинг салоҳиятини мустаҳкамлаш масалалари муҳокама қилинди.

 Тадбир доирасида БМТнинг Наркотик ва жиноятчиликка қарши курашиш ташкилоти томонидан кибержиноятчилик бўйича ишлаб чиқилган ўқув модуллари тақдимоти ўтказилди.