Академияда “Кибертерроризм ва Darknet” мавзусида тренинг ўтказилди

Жорий йил 5 июль куни Академия тингловчи ва ходимлари учун “Кибертерроризм ва Darknet” мавзусида хорижий экспертлар иштирокида тренинг бўлиб ўтди.

Тренинг Академиянинг БМТнинг гиёҳванд моддалар ва жиноятчиликка қарши курашиш бошқармасининг Марказий Осиёдаги минтақавий ваколатхонаси билан ҳамкорлиги дорасида ташкил этилди.

Тадбирдан кўзланган мақсад интернет тармоғида кибертерроризмнинг ривожланиш тенденциялари билан таништириш, ахборот тизимларига таҳдидлар эҳтимолини таҳлил қилиш ҳамда уларнинг ташқи ва ички таҳдидлардан заифлик даражасини баҳолашдан иборат.

Халқаро экспертлар томонидан интернет тармоғининг Darknet яширин сегменти имкониятлари ва таҳдидлари ҳамда унга уланиш усуллари намойиш этилди.

Ўқув жараёни назарий курс ҳамда Darknet тармоғига уланиш ва унда ахборот излаш дастурий маҳсулотларининг амалий кўргазмадан иборат бўлиб, тингловчиларнинг ахборотни муҳофаза қилиш борасидаги билим ва кўникмаларини мустаҳкамлашга хизмат қилди.