Бош прокуратура Академияси – Жиноий даромадларни легаллаштириш ва терроризмни молиялаштиришга қарши курашиш бўйича Халқаро тармоқ институти таркибида

Бош прокуратура Академияси делегацияси Ашхобод шаҳрида 2019 йилнинг 27 ноябрь куни Жиноий даромадларни легаллаштириш ва терроризмни молиялаштиришга қарши курашиш бўйича Халқаро тармоқ институти Кенгашининг 12-йиғилишида иштирок этди.

Йиғилишда Беларусь, Россия, Туркманистон, Тожикистон, Қозоғистон, Қирғизистон, Хитой ва Хиндистон делегациясидан 70 га яқин иштирокчи қатнашди.

Бош прокуратура Академиясини Халқаро тармоқ институти таркибига қабул қилиш кун тартибидаги масалалардан бири бўлди.

Шу муносабат билан, Академия вакиллари томонидан Кенгаш аъзолари олдида Бош прокуратура Академиясининг жиноий даромадларни легаллаштириш ва терроризмни молиялаштиришга қарши курашишга масъул ходимларни малакасини ошириш борасидаги фаолияти, Академия имкониятлари, келгусидаги вазифалари ҳақида тақдимот қилинди.

Кун тартибидаги масалалар муҳокамаси натижаси бўйича Кенгаш томонидан Академияни Халқаро тармоқ институти таркибига қабул қилиш ҳақида қарор қабул қилинди.

Шунингдек, тадбир доирасида Молиявий мониторинг бўйича халқаро ўқув методик маркази, Москва молия-юридик университети, Россия халқлар дўстлиги университетининг Юридик институти раҳбарияти билан бўлиб ўтган учрашувларда ўзаро ҳамкорликка оид масалалар муҳокама қилинди.