Қозоғистон Республикаси Президенти ҳузуридаги ДБА Коррупцияга қарши курашиш масалаларини ўрганиш тадқиқот маркази раҳбари билан учрашув

Ўзаро тушуниш ва ҳамкорлик тўғрисида Меморандум доирасида 2019 йил 18 декабрь куни Бош прокуратура Академиясида Қозоғистон Республикаси Президенти ҳузуридаги Давлат бошқарув Академияси Коррупцияга қарши курашиш масалаларини ўрганиш тадқиқот маркази раҳбари Рисбекова Жанар Касимбековна билан учрашув бўлиб ўтди.

Учрашув давомида коррупцияга қарши туриш стратегияси, ISO 37001 – «Anti Bribery management systems» халқаро коррупцияга қарши туриш стандартининг ўзига хос хусусиятлари, лойиҳа бошқарувини жорий этиш ва ривожлантириш борасида тажриба алмашиш ва қўшма илмий тадқиқотларни ўтказиш масалалари муҳокама қилинди.

Шунингдек, Ж.К.Рисбекова Академия магистратураси тингловчилари учун “Батартиблик. Коррупцияга қарши туриш маданияти” мавзусида маъруза қилди.

Қизғин баҳс-мунозара шаклида ўтказилган мазкур ўқув машғулоти тингловчиларда катта қизиқиш уйғотди, тадбир томонлар ўртасидаги ҳамкорлик меморандумининг самарали амалга оширилишига хизмат қилди.