Кибержиноятчилик соҳасидаги хорижий эксперт билан учрашув ташкил этилди

Бош прокуратура Академиясида Корея Республикаси Халлим университетининг (Hallym University) рақамли криминалистика кафедраси доценти Джошуа Джеймснинг янги таҳрирдаги Жиноят кодекси лойиҳасини ишлаб чиқиш бўйича ишчи гуруҳ вакиллари билан учрашуви бўлиб ўтди.

Учрашувда ахборот технологияларидан фойдаланган ҳолда фирибгарлик содир этишга қарши курашиш, шунингдек, маълумотларга рухсатсиз кирганлик, компьютер фирибгарлиги ва бошқа жиноят таркиблари учун жавобгарлик белгилашга қаратилган мавжуд самарали жиноий-ҳуқуқий тартибга солиш механизмлари кўриб чиқилди.

Иштирокчилар томонидан мазкур соҳадаги долзарб таҳдидлар сифатида маълумотга рухсатсиз кириш амалиёти ва ахборот олишни қонунга зид тарзда чеклаш, шунингдек, кибержиноятчиликнинг ўта криминаллашуви ҳамда ахборот технологиялари соҳасида тадбиркорлик фаолиятининг ривожланиши ўртасидаги ўзаро боғлиқлик кўрсатиб ўтилди.

Учрашув самарали ва конструктив руҳда ўтди.