JICAнинг Ўзбекистондаги вакиллари билан учрашув бўлиб ўтди

Жорий йилнинг 18 июль куни Бош прокуратура Академиясида Япония Халқаро Ҳамкорлик Агентлигининг (JICA) Ўзбекистондаги вакили О.Шун ҳамда JICA лойиҳалар координатори Ф.Курбанов билан учрашув бўлиб ўтди.

Учрашув давомида коррупцияга қарши кураш, мамлакатда эркин иқтисодиётни шакллантириш мақсадида фуқаролик ҳуқуқлари ва хусусий мулк дахлсизлиги ҳимоясини таъминлаш бўйича JICA томонидан таклиф этилаётган лойиҳада Академиянинг иштироки масалалари муҳокама қилинди.

Учрашув якунларига кўра томонлар ўзаро манфаатли бўлган барча соҳаларда ҳамкорликни ривожланитиришга тайёр эканликларини билдирдилар.