Япония Адлия вазирлиги Илмий-таълим институти билан ҳамкорлик тўғрисида Меморандум имзоланди

2019 йилнинг 25-26 июль кунлари Бош прокуратура Академиясига Япония Адлия вазирлиги Илмий-таълим институтининг Президенти Риотаро Оба, Япония Адлия вазирлиги Илмий-таълим институти профессори Мио Таканаши ҳамда Нагоя университети профессори Кацуя Ичихашидан иборат Япония делегацияси ташриф буюрди.

Ўзаро ҳамкорликни мустаҳкамлаш мақсадида Бош прокуратура Академияси билан Япония Адлия вазирлиги Илмий-тадқиқот институти ўртасида академик мобиллик, муассасаларнинг илмий ва ўқув потенциалини ривожлантиришга қаратилган ҳамкорлик тўғрисида Меморандум имзоланди.

Ташриф доирасида “Жиноят-суд ишларини юритишни такомиллаштириш: Япония ва Ўзбекистон тажрибаси” мавзусида янги таҳрирдаги Жиноят кодекси лойиҳасини ишлаб чиқиш бўйича ишчи гуруҳ аъзолари ва Академия ходимлари иштирокида жиноят қонунчилигини такомиллаштириш масалалари муҳокамасига бағишланган давра суҳбати ўтказилди.

Ташриф якунларига кўра томонлар учун ўзаро манфаатли йўналишлар доирасида келгуси ҳамкорлик истиқболлари муҳокама қилинди.