Профессор Т.Базаров билан учрашув

2019 йил 23 июль куни психология фанлари доктори, М.В.Ломоносов номидаги МДУ профессори Т.Базаров Ўзбекистон Республикаси Бош прокуратураси Академиясига ташриф буюрди. Академия ходимлари билан ўтказилган учрашув давомида ўқув жараёнига интерфаол таълим технологиялари, хусусан «Flipped class» услубини татбиқ этиш масалалари муҳокама қилинди.

Академиянинг Медиа-студиясида бўлиб ўтган видео-интервью давомида Т.Базаров интерфаол таълим услублари билимни чуқур ўзлаштириш ҳамда касбий малакаларни пухта эгаллашни таъминлаган ҳолда ўқувчининг ижодий изланишига ҳам шароит яратиши, ундаги шаклланган анъанавий фикрлаш услубини ўзгартиришга ҳамда мавжуд вазиятга янгича қарашга туртки бўлиши, шахснинг креатив қобилиятларини уйғотиши ҳақида тўхталиб ўтди. Шунингдек, суҳбат давомида ўқувчилар муаммоли вазиятларни ижодий ёндашган ҳолда ҳал қилишлари усулларини ўзларида ривожлантиришлари орқали касбий таълимни такомиллаштириш зарурлиги таъкидлаб ўтилди.

Ташриф якунларига кўра томонлар учун ўзаро манфаатли йўналишлар доирасида келгуси ҳамкорлик истиқболлари муҳокама қилинди.