Professor T.Bazarov bilan uchrashuv

2019 yil 23 iyul kuni psixologiya fanlari doktori, M.V.Lomonosov nomidagi MDU professori T.Bazarov O'zbekiston Respublikasi Bosh prokuraturasi Akademiyasiga tashrif buyurdi. Akademiya xodimlari bilan o'tkazilgan uchrashuv davomida o'quv jarayoniga interfaol ta'lim texnologiyalari, xususan «Flipped class» uslubini tatbiq etish masalalari muhokama qilindi.

Akademiyaning Media-studiyasida bo'lib o'tgan video-interv`yu davomida T.Bazarov interfaol ta'lim uslublari bilimni chuqur o'zlashtirish hamda kasbiy malakalarni puxta egallashni ta'minlagan holda o'quvchining ijodiy izlanishiga ham sharoit yaratishi, undagi shakllangan an'anaviy fikrlash uslubini o'zgartirishga hamda mavjud vaziyatga yangicha qarashga turtki bo'lishi, shaxsning kreativ qobiliyatlarini uyg'otishi haqida to'xtalib o'tdi. Shuningdek, suhbat davomida o'quvchilar muammoli vaziyatlarni ijodiy yondashgan holda hal qilishlari usullarini o'zlarida rivojlantirishlari orqali kasbiy ta'limni takomillashtirish zarurligi ta'kidlab o'tildi.

Tashrif yakunlariga ko'ra tomonlar uchun o'zaro manfaatli yo'nalishlar doirasida kelgusi hamkorlik istiqbollari muhokama qilindi.