Ватанига қайтарилган террорчи жангариларни тергов қилиш ва жиноий жавобгарликка тортиш бўйича ўқув курсига тайёргарлик

2020 йил 17 сентябрда Бош прокуратура Академияси, АҚШ Адлия вазирлиги ва АҚШ Давлат департаменти вакилларининг ватанига қайтарилган террорчи жангариларни тергов қилиш ва жиноий жавобгарликка тортишга бағишланган ўқув курсини тайёрлаш бўйича видеоконференция алоқа режимида учрашув бўлиб ўтди.

Тадбирда Бош прокуратуранинг масъул таркибий тузилмалари ходимлари, шунингдек, АҚШ Адлия вазирлиги ва Давлат департаменти мутахассислари иштирок этишди.

Иштирокчилар ўқув модулини тайёрлаш ва бир қатор тренингларни ўтказишнинг ташкилий ва таркибий жиҳатларини, шунингдек ушбу ва бошқа масалалар бўйича ўзаро ҳамкорлик масалаларини муҳокама қилдилар.