БМТ гиёҳванд моддалар ва жиноятчилик бўйича бошқармаси вакиллари билан учрашув

Жорий йилнинг 1 август куни Академия раҳбариятининг БМТ гиёҳванд моддалар ва жиноятчилик бўйича бошқармасининг Марказий Осиёдаги Жиноий судлов бўйича дастури халқаро менеджери К.Маркверинг билан учрашуви бўлиб ўтди.

Учрашув давомида жиноят ва жиноят-процессуал қонунчилигини такомиллаштириш бўйича ҳамкорликнинг жорий ҳолати ҳамда келгуси истиқболлари, Барқарор тараққиёт мақсадлари (16-мақсад) амалга оширилишини таъминлаш бўйича салоҳиятни ривожлантириш, Академия фаолиятига экспертларни жалб қилиш, қўшма лойиҳа ва дастурларни ташкил этиш масалалари муҳокама қилинди.