Академия илмий салоҳиятини ошириш йўлида навбатдаги қадам

Жорий йилнинг 8-9 август кунлари Бош прокуратура Академиясида профессор-ўқитувчи, докторант ва мустақил-изланувчилар иштирокида “Дунёнинг етакчи журналларида илмий мақолаларни чоп этиш талаблари” мавзусида семинар-тренинг бўлиб ўтди.

Тренингни Тошкент Халқаро Вестминстер Университети ўқитувчиси, RePEc (Research Papers in Economics – “Иқтисодиётга оид илмий мақолалар”) ташкилоти томонидан тузилган дунёдаги энг зўр иқтисодчилар рўйхатининг 100 талиги аъзоси, SCOPUS тизимида 25 дан ортиқ мақола нашр этиб, Ўзбекистоннинг энг кўп иқтибос қилинган иқтисодчи-олими ҳисобланган Рауф Салахўжаев ўтказди.

Тадбир давомида Р.Салахўжаев томонидан жаҳоннинг етакчи илмий нашриётларида илмий мақолалар нашр қилишнинг муҳим жиҳатлари тақдимот қилинди, халқаро стандартларга асосан мақолалар тайёрлаш, таҳрир қилиш ва чоп этиш масалалари кўриб чиқилди.

Академиянинг Р.Салахўжаев билан коррупцияга қарши курашиш ва ҳуқуқбузарликлар профилактикаси соҳасида халқаро тадқиқотлар ўтказиш, давлат ва бошқа илмий тадқиқот грантларини амалга оширишда қатнашиш, Академия илмий фаолияти самарадорлигини ошириш масалаларида ҳамкорлик қилиш истиқболлари муҳокама қилинди.

Тадбир якуни бўйича белгиланган мақсад ва вазифаларни амалга ошириш бўйича кейинги қадамлар белгилаб олинди.