Қорақалпоғистон Республикасида ҳуқуқбузарликлар профилактикаси тизимини такомиллаштириш

Қорақалпоғистон Республикасида ҳуқуқбузарликлар профилактикаси тизимини такомиллаштириш ишлари доирасида Нукус шаҳрида Бош прокуратура Академияси, Қорақалпоғистон Республикаси прокуратураси, шунингдек, Нукус шаҳар ИИБ ҳамда прокуратураси вакиллари иштиркида ишчи учрашув бўлиб ўтди.

Иштирокчилар жиноятчиликнинг олдини олиш, «Хавфсиз шаҳар» дастурининг амалга оширилиш ҳолати, БМТ гиёҳванд моддалар ва жиноятчиликка қарши кураш бошқармаси ва жиноятчиликка қарши кураш ва хавфсизликни таъминлаш масалалари билан шуғулланувчи бошқа халқаро ташкилотлар билан ҳамкорлик йўналишларини муҳокама қилдилар.

Идоралар томонидан ҳуқуқбузарлик содир этишга сабаб бўладиган  омилларни камайтириш, жиноят қонунчилигини такомиллаштириш, жамиятдаги турли қонун бузилишларининг олдини олишдаги ёндашувлар кўриб чиқилди ва ҳуқуқбузарликлар профилактикаси соҳасида келгуси қадамлар белгилаб олинди.