Жахон Банки вакиллари билан учрашув

Ҳамкорлик истиқболларини муҳокама қилиш мақсадида Жаҳон банкининг Тошкент шаҳридаги офисида Академия вакиллари билан банк ходимлари Элбек Юсупов, Нодира Мелибоева, Румия Гарипова, видеоконференцалоқа воситасида Аиша Вавда (Олмаота), Диего Амбасз (Вашингтон), Дженссен Тейксиера (Вашингтон), Мосис Васике (Вашингтон), Валид Малик (Вашингтон) иштирокида учрашув бўлиб ўтди.

Учрашув иштирокчилари Академия фаолиятининг асосий йўналишлари, 2019–2020 йилларда Коррупцияга қарши кураш Давлат дастури, шунингдек, олий таълимда “Коррупциясиз соҳа” лойиҳасининг амалга оширилиш ҳолати билан танишдилар.

Томонлар олий таълимда “Коррупциясиз соҳа” лойиҳасининг амалга оширилишида банкнинг жорий лойиҳалари доирасида ҳамкорликни амалга ошириш ҳамда Академиянинг илмий ва ўқув салоҳиятини кучайтириш имкониятларини муҳокама қилдилар.