Ўзбекистон Республикаси Бош прокуратураси Академияси магистратурасига номзодлар диққатига!

Академия магистратурасига кириш имтиҳонлари доирасида 2019 йил 4 сентябрь куни Халқаро бизнес марказида ўтказилган чет тили бўйича тест синови натижалари Бош прокуратура Академиясининг расмий веб-сайтида эълон қилинди (Чет тили).

Кириш имтиҳонларининг кейинги босқичи – номзодлар билан суҳбат саволлари билан Академия расмий веб-сайтида танишиш мумкин (Давлат ва ҳуқуқ назарияси фанидан саволлар, Конституциявий ҳуқуқ фанидан саволлар, Ҳуқуқни муҳофаза қилувчи органлар фанидан саволлар).

Суҳбат ўтказиш жойи ва вақти тўғрисидаги маълумот қўшимча тарзда маълум қилинади, шунингдек ҳар бир номзодга алоҳида етказилади.

Ҳозирги вақтда Ўзбекистон Республикаси Бош прокурори ўринбосари бўйруғи билан ташкил этилган, етакчи ҳуқуқшунос олимлар, таълим муассасалари вакиллари, катта амалий тажрибага эга бўлган прокуратура органлари ходимларидан иборат махсус комиссия томонидан ёзма имтиҳон (эссе) натижаларини текшириш ва баҳолаш ишлари амалга оширилмоқда.