Академия Илмий кенгаши: янги ихтисослик бўйича тадқиқотларни кучайтириш йўлида

Ўзбекистон Республикаси Вазирлар Маҳкамаси ҳузуридаги Олий аттестация комиссияси Раисининг 2019 йил 30 августдаги қарори билан Бош прокуратура Академияси Илмий кенгашига “12.00.07 – Суд ҳокимияти. Прокурор назорати. Ҳуқуқни муҳофаза қилиш фаолиятини ташкил этиш. Адвокатура” ихтисослиги билан бир қаторда “12.00.09 – Жиноят процесси. Криминалистика, тезкор-қидирув ҳуқуқ ва суд экспертизаси” ихтисослиги бўйича диссертациялар ҳимоясини ўтказишга ҳам рухсат берилди.

Мазкур ихтисосликлар бўйича диссертация тадқиқотларини кучайтириш прокуратура органлари фаолиятини илмий-методик жиҳатдан таъминлашга, қонунчиликни такомиллаштириш ва ягона ҳуқуқни қўллаш амалиётини шакллантириш бўйича илмий асосланган хулоса ва тавсиялар ишлаб чиқишга хизмат қилади.