Прокуратура органлари фаолияти йўналишлари бўйича олий малакали илмий кадрларни тайёрлашнинг дастлабки босқичи

2019 йилнинг 29 август куни Бош прокуратура Академиясига мустақил изланувчиликка талабгорларни танлаб олиш мақсадида ихтисослик бўйича суҳбат ўтказилди.

Суҳбат мамлакатимизнинг кўзга кўринган ҳуқуқшунос олимлари ва соҳа мутахассисларидан иборат таркибда тузилган комиссия томонидан олиб борилди.

Суҳбатда талабгорларнинг илмий ишларни амалга оширишга бўлган кўникмаси, мамлакатимизда амалга оширилаётган ислоҳотлар ҳамда тадқиқот доирасида мавжуд илмий муаммолар юзасидан саволлар берилди.

Суҳбат натижасида прокуратура органлари фаолияти йўналишлари бўйича илмий тадқиқот ишларини амалга оширишга лойиқ ва муносиб кадрлар танлаб олинди.