Бош прокуратура Академияси магистратурасига 2019/2020 ўқув йили учун кириш имтиҳонлари якунланди

Ўзбекистон Республикаси Бош прокуратураси Академияси магистратурасига кириш имтиҳонлари ниҳоясига етди. Ёзма имтиҳонни ўтказиш, унинг натижаларини текшириш ҳамда суҳбат жараёнлари ошкора ва шаффоф тарзда ташкил этилди (суҳбат натижалари).

Кириш имтиҳонлари жараёнида номзодлар тўплаган балларни умумлаштириш якунларига кўра энг юқори натижаларга эришган 31 нафар номзод 2019/2020 ўқув йилида Академия магистратураси тингловчилари сафига тавсия этилди  (http://proacademy.uz/uz/posts/0198-2). 

Ўзбекистон Республикаси Бош прокуратураси Академияси жамоаси Академия магистратурасининг илк тингловчиларини табриклаб, уларга илм-фан, таълим ва амалиёт чўққиларини эгаллашларида улкан зафарлар тилайди.

Маълумот учун: Академия магистратурасига қабул квотаси бўйича белгиланган рўйхатда охирги ўринда турувчи номзоднинг тўпланган жами баллари билан ундан кейинги ўринда турувчи номзод тўплаган баллари бир хил бўлгани сабабли, Ўзбекистон Республикаси Бош прокуратураси Академияси магистратурасига қабул қилиш ва ўқитишни ташкил этиш тартиби тўғрисидаги Низомнинг 76-бандига мувофиқ, магистратурага 31 нафар номзод тавсия этилди.