Германия эксперти иштирокида давра суҳбати

2019 йилнинг 9 сентябрь куни Германиянинг халқаро ҳуқуқий ҳамкорлик Фонди (ИРЦ) кўмагида Бош прокуратура Академиясида “Ўзбекистон Республикаси Жиноят кодекси ва Маъмурий жавобгарлик тўғрисидаги кодексини такомиллаштириш масалалари” мавзусида давра суҳбати ташкиллаштирилди.

Тадбир ИРЦ лойиҳалари менеджери Николь Циндель, Шимолий Рейн-Вестфалия (Германия) федерал ери Адлия вазирлигининг оммавий ҳуқуқ, фуқаролик ҳуқуқ ва халқаро ҳуқуқ бошқармаси бошлиғи доктор Кристиан Рейтемайер, Академия ҳодимлари ва Ўзбекистон Республикаси Жиноят кодексини янги таҳрирда тайёрлашга масъул бўлган ишчи гуруҳ аъзолари иштирокида ўтказилди.

Давра суҳбати давомида иштирокчилар ҳуқуқбузарликларни жиноят, ножўя қилмиш (проступок) ва тартиботни бузиш каби турларга бўлишнинг мезонлари бўйича ГФР ва Ўзбекистон Республикасининг тажрибаларини кўриб чиқишди.

Тадбир якунида томонлар ўзаро қизиқиш бўлган соҳаларда самарали ҳамкорлик олиб боришга тайёр эканликларини билдиришди.