Инсон ҳуқуқларини ҳимоя қилиш сохасида халқаро ҳамкорликни мустахкамлаш

Бош прокуратура Академияси делегациясининг Лунд университети (Швеция)га ташрифи доирасида, жорий йилнинг 18 сентябрь куни Рауль Валленберг номидаги Инсон ҳуқуқлари институти директори Зюзана Заланова билан учрашув бўлиб ўтди.

Институт вакиллари инсон ҳуқуқлари сохасида таълим берувчи мутахассисларни тайёрлаш, тренинглар ўтказиш бўйича ўзаро экспертлар алмашинуви, мазкур сохада ҳамкорликдаги тадқиқотлар ўтказиш ва стипендиявий дастурларда иштирок этиш каби масалалар бўйича Академия билан ҳамкорлик қилишга тайёр эканликларини билдирдилар.

Учрашув якунида томонлар муҳокама этилган масалаларни амалга ошириш учун чора-тадбирлар дастурини ишлаб чиқишга келишиб олдилар.