Академия лойиҳалари Япония халқаро ҳамкорлик агентлиги танловининг ғолиби деб топилди

Япония халқаро ҳамкорлик агентлигининг (JIСА) Ўзбекистондаги ваколатхонаси томонидан мини-грантлар дастури бўйича ўтказилган танловда Бош прокуратура Академияси учта лойиҳа билан иштирок этди.

Танлов натижаларига кўра Академиянинг “Ёшлар коррупцияга қарши” мавзусида ижтимоий ролик тайёрлаш ва “Олий таълим - коррупциясиз соҳа” мавзусида конференция ўтказиш лойиҳалари ғолиб деб топилди.

Мазкур лойиҳалар аҳолининг ҳуқуқий онги ва ҳуқуқий маданиятини юксалтириш, жамиятда коррупцияга нисбатан муросасиз муносабатни шакллантириш, олий таълим соҳасида коррупцияга қарши курашиш фаолиятини такомиллаштиришга хизмат қилади.